கிரிக்கெட் ரசிகர்களுக்கு.....

இங்கிலாந்து சண்டே டைம்ஸின் அதிரடி செய்தி. 2011 உலக கோப்பை இந்திய, பாகிஸ்தான் அரையிறுதியில் சூதாட்டம் -பொலிவூட் நடிகை

இந்திய, பாகிஸ்தான் அணிகள் பங்குபற்றிய கடந்த ஆண்டின் உலகக்கிண்ண அரையிறுதிப்போட்டியில் சூதாட்டம் இடம்பெற்றுள்ளதாக இங்கிலாந்தின் "சண்டே டைம்ஸ்" பத்திரிகை செய்தி வெளியிட்டுள்ளது.

சண்டே டைம்ஸ் வெளியிட்டுள்ள செய்தியின் படி, இந்தியாவைச் சேர்ந்த சூதாட்டக்காரர்கள் இங்கிலாந்தின் பிராந்தியப் போட்டிகளிலும், சர்வதேசப் போட்டிகளிலும் இலகுவாக சூதாட்டத்தில் ஈடுபட்டு வருவதாகவும், சர்வதேச கிரிக்கெட் சபை இதுகுறித்த விசாரணைகளை ஆரம்பித்துள்ளதாகவும் தெரிவித்துள்ளது.

வழங்கப்படும் ஏராளமான பணத்தின் காரணமாக போட்டிகளின் முடிவுகளை முன்னரே தீர்மானிப்பது இலகுவாக உள்ளதாகத் தெரிவித்த குறித்த பத்திரிகை, வீரர்களுக்கு ஏராளமான ஐக்கிய அமெரிக்க டொலர்கள் வழங்கப்பட்டமைக்கான ஆதாரங்கள் தங்களிடம் உள்ளதாகவும் தெரிவித்துள்ளது.

வீரர்களை சூதாட்டத்தின் பக்கம் இழுப்பதற்கு பொலிவூட் நடிகையொருவரைப் பயன்படுத்தி இந்த நடவடிக்கைகளில் இந்தியச் சூதாட்டக்காரர்கள் முயன்று வருவதாக அப்பத்திரிகை தனது இன்றைய செய்தியில் தெரிவித்துள்ளது.

சண்டே டைம்ஸின் செய்திகளின்படி தங்கள் விசாரணைகளில் துடுப்பாட்ட வீரரொருவர் மெதுவாகத் துடுப்பெடுத்தாட 44,000 ஸ்ரேர்லிங் பவுண்ட்ஸ்களும், அதிக ஓட்டங்களை விட்டுக்கொடுக்க பந்துவீச்சாளர்களுக்கு 50,000 ஸ்ரேர்லிங் பவுண்ட்ஸ்களையும், போட்டிகளின் முடிவுகளை மாற்றுவதாக உறுதிப்படுத்தும் வீரருக்கு 750,00 ஸ்ரேர்லிங் பவுண்ட்ஸ்களும் வழங்கப்படுவதாக கண்டுபிடித்துள்ளதாக அறிவித்துள்ளது.

டெல்லியைச் சேர்ந்த விக்ரம் செத் என்ற சூதாட்டக்காரர் ஒருவரே குறித்த பத்திரிகையிடம் சிக்கியுள்ளதாகவும், அவர் மூலமே இத்தகவல்கள் வெளியாகியுள்ளதாகவும் தெரிவிக்கப்பட்டுள்ளது.

நன்றி
லங்காநவ்..

தென் ஆப்ரிக்காவின் வேகப்பந்து வீச்சாளர் Wayne Parnell இஸ்லாத்தை தழுவினார் !

தென் ஆப்ரிக்காவில் உள்ள போர்ட் எலிசபத்த்தில் பிறந்த 22 வயது, தென் ஆப்ரிக்காவின் வேகப்பந்து வீச்சாளர் பேர்நெல் (Wayne Dillon Parnell) 28.7.2011 வியாழக்கிழமை அன்று இஸ்லாத்தை தன் வாழ்க்கை நெறியாக ஏற்றுக் கொள்வதாக அறிவித்துள்ளார்.

இவர் தென் ஆப்ரிக்கா சர்வேதச கிரிக்கெட் போட்டிகளில் விளையாடி வரும் சிறந்த வேகப்பந்து வீச்சாளர்(Left-arm medium-fast) என்பது குறிப்பிடத்தக்கது.

பேர்நெல் கிறிஸ்துவ மார்க்கத்திலிருந்து இஸ்லாத்தை தழுவி இருக்கிறார். இவருடைய பெயரை வலீத் (பொருள்:புதிதாக பிறந்த மகன்) என்று தனது பெயரை மாற்றிக் கொள்ள இருப்பதாக தெரிவித்துள்ளார்.

“வெய்ன் இரண்டு மாதங்களுக்கு முன்பே இஸ்லாத்தை பின்பற்ற முடிவு செய்துவிட்டார்,” என்று தென் ஆப்ரிக்கா அணி மேலாளர் டாக்டர் முகம்மது மொசாஜி தெரிவித்துள்ளார்.

ஹாஷிம் ஆம்லா , இம்ரான் தாகிர் போன்ற சக வீரர்களின் வற்புறுத்தலினால் தான் பேர்நெல் இஸ்லாத்தை தழுவினார் என்ற வதந்தியை மொசாஜி திட்டவட்டமாக மறுத்துள்ளார்.இது அவருடைய சொந்த முடிவு எனவும் மொசாஜி கூறினார்.

மொசாஜியின் மறுப்பை ஆதரிக்கும் வகையில் தென் ஆப்ரிக்காவின் மற்ற அணி வீரர்களும் ஹாஷிம் ஆம்லா , இம்ரான் தாகிர் , பேர்நெலை எந்த விதத்திலும் கட்டாயப்படுத்தவில்லை. ஆம்லாவின் ஒழுக்கம் ,சுற்றுப்பயணத்தின் போதும் தினசரி தொழுகை,மதுபான கொண்டாட்டங்களில் பங்கேற்காதது ,தென் ஆப்பிரிக்க அணியின் விளம்பரதாரரான பீர் கம்பெனியை விளம்பரப்படுத்த மறுத்தது போன்ற இவரின் செயல் அனைவரையும் ஈர்க்கத்தான் செய்தது.

பேர்நெல்லுடைய சக விளையாட்டு வீரர்கள் ,கடந்த IPL (Indian premier League) போட்டியில் “பேர்நெல் மது அருந்தாததை வைத்தே அவர் தன் மதத்தை மாற்றுவதில் எவ்வளவு மும்முரமாக இருக்கிறார் என்பதை தெரிந்து கொண்டோம்” என்று தெரிவித்தனர்.

இந்த நிகழ்வில் இருந்து நாம் கற்க வேண்டிய பாடம்.

ஒரு முஸ்லிமின் ஒழுக்கத்தை பார்த்தே மாற்று மதத்தினர் இஸ்லாத்தை நேசிக்க ஆரம்பிக்கின்றனர்.நாமும் இஸ்லாத்தின் ஒழுங்குகளை பேணி நமக்கு நன்மை தேடிக் கொள்வதோடு பல மாற்று மத சகோதரர்கள் நேர்வழி பெற உதவுவோம்.

பார்வையற்ற பத்திரிகையாளர் - ஷானியா ஷைதீ

"கண் பார்வை இல்லேன்னா என்ன?'' பார்வைத் திறன் இழந்த மாற்றுத் திறனாளி. இன்று முன்னணிப் பத்திரிகையாளர் சானியா ஷைதீ. 
பாகிஸ்தானில் உள்ள முல்தான் நகரம் தான் என் சொந்த ஊர். எனக்கு ஒரு தங்கை, தம்பி. சிறு வயதில், எனக்குப் பார்வை பறிபோனபோது. என்னை சுற்றத்தார் ஏளனம் செய்தனர். என் பெற்றோர் தான், என்னை எல்லா விதத்திலும் உற்சாகப்படுத்தி வளர்த்தனர். பள்ளிப் பாடங்களை ஒரு கேசட்டில், பதிவு செய்து என்னை படிக்க வைத்தார் என் அம்மா.
நான் பள்ளியில் படிக்கும் போது, எனக்கு விளையாட்டில் ஆர்வம் அதிகம் இருந்தது. யாரும் எடுக்கத் தயங்கும் உடற்கல்வியை பாடமாக எடுத்துப் படித்தேன். தட்டு எறிதல் பிரிவில், நான் பள்ளியில் பல பரிசுகள் பெற்றிருக்கிறேன்.

கல்லூரி படிப்பை முடித்த பின், , தற்போது ஒரு பல்கலைக்கழகத்தில் விரிவுரையாளராகப் பணியாற்றுகிறேன். மாஸ் கம்யூனிக்கேஷன் மாணவர்களுக்கு பாடம் நடத்துகிறேன். கடந்த எட்டு ஆண்டுகளாக, பகுதி நேரப் பத்திரிகையாளராக, செய்தித்தாள், வாரப் பத்திரிகை, என்று ஊடகங்களுக்கு "பிரீலான்ஸ்'' செய்தியாளராக பணியாற்றுகிறேன்.கடந்த 2004ம் ஆண்டு இலங்கை கிரிக்கெட் வீரர் ஜெயசூர்யாவை பேட்டி கண்டது தான் என் வாழ்வில் மிகப் பெரிய திருப்பு முனை.அந்தப் பேட்டியின் மூலம், என்னை ஏளனம் செய்தவர்கள் முன், பெரிய சாதனையை நிகழ்த்தியதாக உணர்ந்தேன். நடந்து முடிந்த உலகக் கோப்பை கிரிக்கெட் போட்டிகளின் போது, ஒவ்வொரு போட்டிக்கும் நேரில் சென்று செய்திகள் சேகரித்த அனுபவம், என் வாழ்வில் மறக்க முடியாதது. என தன் அனுபவங்களை பகிர்ந்து கொள்கிறார்.

Congratulatios to Murali- 800 Test wickets World Record

இலங்கை கிரிக்கெட் அணியின் நட்சத்திர பந்துவீச்சாளர் முத்தையா முரளிதரன் 800 விக்கெட்டுகள் வீழ்த்தி பெரும் சாதனையை ஈட்டியுள்ளார். இச்செய்தி கிரிக்கெட் ரசிகர்கள் மத்தியில் மகிழ்ச்சியை ஏற்படுத்தியுள்ளது.

அவர் இந்த சாதனையை பெறுவதற்காக சற்று முன்னர் 800 வது விக்கெட்டாக இந்திய வீரர் பி.பி.ஓஜாவை வீழ்த்தி வெளியேற்றினார். இது அவர் விளையாடுகின்ற 133 வது டெஸ்ட் போட்டியாகும். இரண்டு இன்னிங்ஸ்களிலும் மொத்தம் எட்டு விக்கெட்டுக்களை கைப்பற்றியுள்ளார். அவரது சாதனையை பற்றி ரசிகர்கள் மனதில் மகிழ்ச்சியை ஏற்படுத்தி இருந்தாலும் அவர் இன்றைய டெஸ்ட் போட்டியுடன் சர்வதேச டெஸ்ட் போட்டிகளுக்கு விடை கொடுப்பது அனைவரது மனதிலும் கவலையை ஏற்படுத்தியுள்ளது. காலியில் நடைபெறும் இலங்கை-இந்தியா வீரர்களுக்கு இடையில் நடைபெற்று வருகின்ற டெஸ்ட் போட்டியின் 5வது நாளான இன்று முரளிதரன் பெற்றுள்ள சாதனை இலங்கை கிரிக்கெட் வரலாற்றில் பொன்னெழுத்துக்களால் பொறிக்கப்படவேண்டும். அதேவேளை குறித்த டெஸ்ட் போட்டியுடன் விடைபெறும் முரளிதரனுக்கு இப்போட்டியில் வெற்றி பெற்று அதை பரிசாக வழங்குவோம் என இலங்கை அணித் தலைவர் சங்கக்கார தெரிவித்திருந்தார். அதன்பிரகாரம் தற்போது நடைபெற்று வரும் டெஸ்ட் போட்டியில் இலங்கை அணி இலகுவாக வெற்றிபெறும் வாய்ப்பு ஏற்பட்டுள்ளது. கடந்த 18ம் திகதி தொடங்கிய போட்டியின் 2ம் நாள் மழை காரணமாக விளையாட்டு நடைபெறாத போதிலும் 3ம் நாள் முதலில் துடுப்பெடுத்தாடிய இலங்கை அணி 520-8 ஓட்டங்கள் பெற்றிருந்த நிலையில் ஆட்டத்தை நிறுத்திக்கொண்டது. அதையடுத்து இந்திய அணி துடுப்பெடுத்தாடி 276 ஓட்டங்களுக்கு சகல விக்கட்டுக்களையும் இழந்த நிலையில் திரும்பவும் இரண்டாவது இன்னிங்ஸ் ஆட்டத்தை தொடரவேண்டிய நிலைக்குத் தள்ளப்பட்டது. தொடர்ந்து துடுப்பெடுத்தாடிய இந்திய அணி போட்டியின் இறுதிநாளான இன்று சற்றுமுன்னர் 338 ஓட்டங்களுக்கு சகல விக்கெட்டுக்களையும் இழந்தது. சற்று முன்னர் காலியில் நடைபெற்றுவந்த இலங்கை இந்திய டெஸ்ட் போட்டியில் இலங்கை அணி 10 விக்கெட்டுக்களால் வெற்றி பெற்று ஓய்வுபெறும் முரளிதரனுக்கு பரிசுப்பொருளாக இந்த வெற்றியை வழங்கியுள்ளனர். ஜனாதிபதி நினைவுப் பரிசில் ஒன்றை வழங்கி முரளியின் மகத்தான சாதனையை பாராட்டினார். போட்டி முடிந்த பின்னர் இன்று மாலை அவருக்கு மாபெரும் விழா காலியில் எடுக்கப்படுகின்றது. முரளிதரன் இது வரை 132 டெஸ்ட் போட்டிகளை ஆடி உள்ளார். அதே போல் 334 ஒரு நாள் போட்டிகளில் ஆடி 512 விக்கெற்றுகளையும் வீழ்த்தி உள்ளார். முரளிதரன் இன்று மைதானத்தில் ஆடச் சென்றபோது அவருக்கு செங்கம்பள வரவேற்பு வழங்கப்பட்டமை குறிப்பிடத்தக்கது.

கிரிக்கெட் சாதனை வீரர் முரளிதரன் ஓய்வு பெறுகிறார்

இலங்கை அணியின் கிரிக்கெட் சாதனை வீரர் முத்தையா முரளிதரன் சர்வதேச போட்டிகளில் இருந்து ஓய்வு பெறப்போவதாக அறிவித்துள்ளார்.

கிரிக்கெட் விளையாட்டின் 132 டெஸ்ட் போட்டிகளில் 792 விக்கெட் வீழ்த்தி சாதனை படைத்தவர் முரளிதரன். இவர் இந்தியாவுக்கு எதிராக ஜூலை 18ம் தேதி தொடங்கும் டெஸ்ட் போட்டிக்கு பிறகு ஓய்வு பெறப்போவதாக அறிவித்துள்ளார். டெஸ்ட், ஒருநாள், 20 ஓவர் கிரிக்கெட் போட்டிகளில் இருந்து அவர் முழுவதுமாக ஓய்வு பெறப்போவதால் கிரிக்கெட் ரசிகர்கள் மத்தியில் ஏமாற்றம் நிலவுகிறது. முத்தையா முரளிதரன் ஏப்ரல் 17, 1972, கண்டியில் பிறந்தார். பொதுவாக முரளி என்றும் அழைக்கப்படுகிறார். இலங்கையின் மலையகத் தமிழரான இவர் இலங்கை கிரிக்கெட் அணியின் முக்கிய சுழற்பந்து வீச்சாளர். 2004 ஆம் ஆண்டு ஐக்கிய நாடுகளின் உலக உணவுத் திட்டத்தின் தூதுவராக இணைந்ததோடு வறுமை-எதிர்ப்பு திட்டமொன்றிலும் தன்னை ஈடுபடுத்திக் கொண்டார். 2004 ஆம் ஆண்டு ஆழிப்பேரலையில் இருந்து 20 நிமிடங்களில் உயிர் தப்பிய முரளிதரன் பின்னர் அதனால் பாதிக்கப்பட்டவர்களுக்கு உதவி செய்தார். இலங்கை கிரிக்கெட் அணியில் விளையாடும் ஒரு சில தமிழர்களில் ஒருவரான முரளி 2005 ல் தமிழ்நாடு சென்னையில் மலர் மருத்துவமனை அதிபர் மகள் மதிமலர் ராமானுதியை திருமணம் செய்துகொண்டார். Thanks To...Tamilwin

T20 World Cup Cricket Match Live Telecast

முன் பக்கத்தின் கீழ் பகுதியின் காணலாம்.