செல்போன் அதிகம் பயன்படுத்தினால் மூளை கேன்சர்: உலக சுகாதார மையம் எச்சரிக்கை

செல்போன் அதிகளவில் பயன்படுத்தினால் அதிலிருந்து வரும் கதிரியக்கத்தால் மூளை புற்றுநோய் ஏற்பட வாய்ப்பு இருப்பதாக உலக சுகாதார மையம் நடத்திய ஆய்வில் கண்டறியப்பட்டுள்ளது.

உலக சுகாதார மையம் (WHO) நடத்திய ஆய்வில் தினமும் அரைமணிநேரம் ‌மொபைல் போன் பயன்படுத்துபவர்களுக்கு நோய் பாதிக்கும் தன்மை 3 மடங்கு அதிகரிப்பதாக கண்டறியப்பட்டுள்ளது. அதிகளவில் பயன்படுத்துவோருக்கு இந்த பாதிப்பு அதிகளவில் இருக்கும் எனவும், அவர்களுக்கு மூளை கட்டி உருவாகும் வாய்ப்பு அதிகம் எனவும் ஆய்வறிக்கையில் தெரிவிக்கப்பட்டுள்ளது.

கடந்த 10 ஆண்டுகளில் 13 நாடுகளில் நடத்தப்பட்ட ஆய்வில் 5000 பேர் மூளை புற்றுநோயால் பாதிக்கப்பட்டு உயிரிழந்திருப்பது தெரியவந்துள்ளது. இளம் வயதினர் ஒரு நாளைக்கு ஒரு மணிநேரத்திற்கு அதிகமாக மொபைல் பயன்படுத்துவது தெரிய வந்துள்ளது. அவர்களில் பெரும்பாலானவர்களுக்கு மூளை கட்டி இருப்பது தெரியவந்துள்ளது. மற்றவர்களுக்கு நரம்பு கோளாறு ஏற்படுவதாகவும் கண்டறியப்பட்டுள்ளது.
நன்றி, Tutyonline

ரோபோ நடத்திவைத்த திருமணம்

ரோபோ என்று ஆங்கிலத்தில் சொல்லப்படுகின்ற இயந்திர மனிதனால் உலகில் முதல் தடவையாக ஒரு திருமணம் நடத்திவைக்கப்பட்டுள்ளது.

ஜப்பானின் டோக்கியோ நகரில் இந்த விநோத திருமணத்தை மந்திரங்கள் சொல்லி நடத்திவைத்தது, மினுக்கும் கண்களும், பிளாஸ்டிக் குதிரைவால் கொண்டையும் போட்டிருந்த ஐ ஃபேரி என்ற இயந்திர யுவதி.

ஜப்பானில் அதிவேகமாக வளர்ந்துவரும் ரோபோ உற்பத்தித் தொழில்துறை மூலம் இந்த ஜோடி ஒருவரோடு ஒருவர் பழக நேர்ந்திருந்தது.
இவர்களுக்கு திருமணம் செய்த ஐ ஃபேரி ரோபோவை உருவாக்கியது மணப்பெண் சடோகோ ஷிபாடா வேலைபார்க்கின்ற நிறுவனம் ஆகும்.

"மனிதர்களுடைய அன்றாட வாழ்வின் பல விஷயங்களில் ரோபோக்களுக்கு இடமிருக்க வேண்டும் என்று எப்போதுமே நம்பிவந்துள்ளவள் நான். இந்த அழகான இயந்திர யுவதி என் வாழ்க்கையின் மிக முக்கியமான நிகழ்வுக்கு ஒரு சாட்சியாக இருக்க வேண்டும் என்று நான் ஆசைப்பட்டேன்." என்கிறார் மணப்பெண்.

புதிய கணவர் டொமோஹிரோ ஷிபாடா ஒரு பல்கலைக்கழகத்தில் ரோபோடிக்ஸ் எனப்படும் இயந்திர மனிதன் பாடத்துறையில் பாடம் நடத்துகிறார்.

"முதலிலே இருவரும் பழக ஆரம்பிதததற்கு இந்த ரோபோக்கள்தான் காரணம். எனவே ரோபோவை வைத்து திருமணம் செய்துகொள்ள நாங்கள் முடிவெடுத்தோம்." என்கிறார் இந்த மாப்பிள்ளை.

நன்றி.www.z9world.com

விசித்திரத் திருமணம்

ஜெர்மனியில் நபர் ஒருவர் பூனையொன்றை திருமணம் செய்து கொண்டுள்ளதாகத் தெரிவிக்கப்படுகிறது.
பத்து வருடங்களாக வளர்த்து வந்த சிசிலியா என்ற பூனையை, ஜெர்மனியைச் சேர்ந்த ஊவ் மிட்செர்லிச் என்ற 39 வயதுடைய நபர் திருமணம் செய்து கொண்டுள்ளார்.

உத்தியோகப் பற்றற்ற முறையில் இந்த திருமணம் ஜெர்மனியில் நடைபெற்றதாகவும், பிராணிகளை திருமணம் செய்வது கொள்வது ஜெர்மனியில் சட்டப்படி குற்றமாகும் எனவும் அறிவிக்கப்படுகிறது.

நோய்வாய்ப்பட்ட குறித்த பூனை நீண்ட காலம் உயிர் வாழாது என மிருக வைத்தியர்கள் அறிவித்ததனைத் தொடர்ந்து, தனது செல்லப் பிராணியை மணம் முடிக்கத் தீர்மானித்ததாக ஊவ் மிட்செர்லிச் தெரிவித்துள்ளார்.

இந்த விசித்திரமான திருமண வைபவத்தை நடாத்துவதற்காக ஜெர்மனிய நடிகை ஒருவருக்கு மிட்செர்லிச் 300 யூரோக்களை வழங்கியுள்ளார்.
Thanks to Manithan

அட்டகாசமான HONDA விளம்பரம்

மனிதனை மிஞ்சும் அதிநவீன ரோபோட்

காலத்தின் வேகமான வளர்ச்சி இயந்திரமனிதன் பூமியில் கால்வைத்து விட்டான் மனிதனைப் போலவே அனைத்து செயல்களும் எந்த குழப்பமும் இல்லாமல் சொன்னதை அப்படியே செய்கிறான். நாளுக்கு நாள் வளர்ந்து வரும் இந்த ரோபோட் வளர்ச்சியில் தற்போது ஜப்பானில்
சிறப்பு ரோபோட் ஒன்றை வடிவமைத்துள்ளனர்.

இதன் பெயர் நேஒ மற்ற ரோபோட்டில் இல்லாத சிறப்பு இதில் என்ன இருக்கிறது என்றால் எந்த பக்கமும் சாய்வாக அதேசமயம் நுட்பமாக தன் உடலை எல்லா பக்கமும் எல்லா கோணத்திலும் இயக்கும் வண்ணம் வடிவமைக்கப்பட்டுள்ளது. இதுவரை இந்த பிரச்சினை தான் பெரிதாக இருந்தது.

அது மட்டுமல்ல தரையில் இருக்கும் பொருட்களை அழகாக குனிந்து எடுத்து அதை குப்பைக்கூடையில் போடும் அரிய சோதனை காட்சியையும் தத்ருபமாக காட்டியுள்ளனர். கீழே விழுந்தால் எளிதாக எழுந்து விட முடியாது என்ற நிலையையும் மாற்றி உடனடியாக தன் கைகளை தரையில் வைத்து அழகாக எழுகிறது.

53 செ.மீ உயரமுள்ள இந்த ரோபோட் செய்யும் செயல்கள் அனைத்தும் பிரமிப்பை ஏற்படுத்துவதாக உள்ளது. 2011 ம் ஆண்டு இது விற்பனைக்கு
வரும் என்று எதிர்பார்க்கப்படுகிறது.

வீடியோ

Thanks To......www.z9tech.com