சிகரெட் புகைத்தால் அறிவுத் திறனும் குறையும் :இஸ்ரேல் ஆய்வில் தகவல் _

சிகரெட் புகைப்பது உடல் நலத்துக்கு தீங்கானது என்பது நாம் அனைவரும் அறிந்த ஒன்று. சிகரெட் பிடிப்பதால் உடல் நலம் மட்டுமின்றி அறிவுத்திறனும் குறையும் என புதிய ஆய்வு இப்போது தெரிவிக்கிறது.
இந்த ஆய்வு இஸ்ரேலில் உள்ள டெல் ஹஸ்கோமரில் உள்ள ஷெபா மருத்துவ மையத்தில் டாக்டர் மார்க் வெய்கர் தலைமையில் மேற்கொள்ளப்பட்டது. இந்த ஆய்வுக்கு இஸ்ரேல் இராணுவ வீரர்கள் 20, 211 பேர் பயன்படுத்தப்பட்டனர்.
அவர்களில் சிகரெட் பிடித்தவர்களுக்கு மற்றவர்களைவிட 7.5 புள்ளிகள் அறிவுத்திறன் குறைந்திருப்பது ஆய்வில் தெரிய வந்தது.
இதன் மூலமான பாதிப்பு பெரிய அளவில் இல்லாவிட்டாலும், ஆய்வுக்குட்பட்ட, அறிவுத் திறன் குறைந்த இராணுவத்தினர் வேலையிலிருந்து நீக்கப்பட்டனர்.